بنوتات

للبنات وبس
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 إفتراضي رواية::تدري في هالللحظه وش ابغى؟ابيك تضمني لصدركـ واضمك حيل!

اذهب الى الأسفل 
كاتب الموضوعرسالة
أميرة أنمي
مشرفه
مشرفه
أميرة أنمي

عدد المساهمات : 5
السٌّمعَة : 0
تاريخ التسجيل : 14/11/2008

مُساهمةموضوع: إفتراضي رواية::تدري في هالللحظه وش ابغى؟ابيك تضمني لصدركـ واضمك حيل!   الأربعاء ديسمبر 03, 2008 1:40 am

كيفكم؟؟؟حبيت اشارك بهذي الروايه وهي طبعا من تاليف صديقتي...اذا شفت تفاعل مع القصه راح اكمل
ودمتم بود
اترككم مع الروايه


...أردت أن أحرر الطفل الذي سكن قلمي وأطلق له العنان وأمده بالحرية وشتى أنواع الدعم ليبوح لنا بمكنوناته وما رآه في هذه الدنيا من فرح،حزن،أحباب، و أعداء .

عندما يسلك الحب مجراه في قلبك ... ويداعبك احساسه ... وتتذوق افعاله ... وتشعر بقربه ... وترى حبه ... ويقل نبضك ... ويبتعد حبك ... وتفقد همستك ... تندم على فعلك ... تفقد الحب ... وتعمل ... وتمضي في طريقك ... وتنتقم ... وتبتسم ... وتمكر ... وتحظن حبيبك ...
عندما يصعب العيش ... عندما يصعب التأقلم ... عندما يصعب الأستمرار ... ولكن ... تقف ... وتمشي ... وتعثر ... وتقوم ... وتكابر ... وتمشي ... وتسرع شيئا فشيئا الى ان ... تعدو ...
هل أحسست مره بقسوة الدنيا عليك؟؟هل أحسست يوما انك تود الانتحار ولكن يوقفك إيمانك؟؟هل أحسست انك تريد الانتقام؟؟هل أحسست أن هناك لحظات فرحة سلبتها منك الحياة وأبدلتها بالحزن؟؟ هل احسست انه في لحظة اردت التكلم والبوح بما لديك ولكن لم تستطيع؟؟أردت التكلم ولكن منعك قلبك ؟ هل شعرت يوما انك مظلوم وأن من ظلمك القدر ؟ هل فعلت خطأً ولم تستطع إصلاحه ؟؟ هل اخترت أن تفارق شخصا عزيزا عليك ولكنك تتفاجأ انك تراه مرة اخرى ؟ وتتفاجأ أن الزمن رماه عليك لكي تلقاه ؟.
وعندما تلقاه ماذا تقول؟


هذه هي قصتي :...




تدري فهاللحظه وش ابغى؟ا ابيك تضمني لصدرك واضمك حيل...



الجزء الأول
(الفصل الأول)






بطلتي..ملكتي..ألماستي.. (دلع)عمرها 17 سنة ثاني علمي عندها مواهب كثيرة :الرسم،كتابة الشعر،الغناء،كتابة القصص...شكلها\بيضاء شعرها كيرلي مو مره طويل بس طوله حلو،نعووومه مره،عيونها وساع لدرجة السحر كلمن شافها خق / ملامحها لا هي شرقية ولا غربية ممزوجة بين الأثنين
تؤمن بالحب من أول نظره وتؤمن أن الحياة لو كشرت في وجهك مره تبتسم لك وتؤمن أن الحب ليس للحبيب الأولي<<إذا كان حب غير حقيقي/// وتؤمن...ولا أقول خلونا نتعرف على عائلتها ونتعرف على مبادئها بالحياة بعدين .
عائلة أبو طلال..
الأب : عبد الله بن محمد،موظف في شركة ارامكو السعودية،عمره 43 سنه يشتغل ايضاً بالأسهم وعنده كم محل
الأم : أمل بنت نايف،ربة منزل متخرجة من قسم الكيمياء،عمرها 36
طلال:الأخ الكبير ،في سنة ثاني جامعه طب ( بيتخصص اورام ) ،<<نتعرف على صفاته بعدين*_^،عمره 21
دلع:ذكرنا لكم صفاتها.
البندري:اولى ثانوي ،طموحها فلك رغم انه مو موجود : بنت فله ما عندها عقد بحياتها بسيطة و ...<<فيما بعد^_^.
خالد:ثاني متوسط ،يحب الهلال وهاذا همه وما يطيق شي اسمه دراسة يحب الأكل طبعا وهو يعتبره من مقومات السعاده.
جوان:الصغيرة العسل عمرها سنتين لسانها طويل مره وما تنطق حرف الحاء< خخخخخخخخ/متعلمة العربجه من البندري وخالد .**_**

في الرياض الساعة 2 عال غداء بعد الاختبارت النهائية
دلع:بابا وين بروح أن شاء الله هالعطله؟؟
البندري:اللي يسمع الحين سنه ذي العطلة كلها شهرين
دلع:لو جربتي ثاني والتراكمي كان ما قلتي هالكلام
أبو طلال:أقول وين ما تبي اللي رفعت راسي نروح<<يقصد دلع..
البندري بقهر ودها تقوم تصفق دلع :لا والله وأنا وين رحت؟؟؟<<مسويه نفسها عصبت
أبو طلال:أكيد رأيكم مهم بس برضو هي تعبت هالسنه ولا انتو من شاف نسبكم ارتاع
الكل \هههههههههههههههههههه
البندري بهمس \يلا قولي سويسرا تركيا باريس يلاااااااااااا
دلع\لا بابا أنت أي مكان نفسك نروحه نروح له
أبو طلال\شوفوا وتلوموني لا حبيت هالبنت
طلال\افا يالوالد تبريت مني؟؟
أبو طلال\كلش الا راس مال البيت.
دلع \ أنا عن نفسي أبغى أروح الدمام؟
البندري\ووووووووووووع امحق عطله؟
طلال \وأنا بعد..
البندري\ لا أنا مبغى
أبو طلال\وين تبين؟؟
البندري\أبغى تركيا ابغى اشوف مهند ونور وعمر ويحيى ورفيف ولميس!!
طلال \ بس بس
أبو طلال\ولا يهمكم نروح أي مكان تبونه،الغالية ما سمعنا صوتها؟
أم طلال\الشور شوركم أي مكان يستانسون عيالي فيه نروح له.
العيال\الله عالديمقراطية ،البندري ودلع يدورون اقرب خشبه عشان يضربونها ويصير زوج الأولى أحلى من الثانية
طلال\عن الشفاحه
دلع\هي متحديتني اللي تضربها أول ما تعزمنا واللي تتأخر تعزمنا على تشيليز؟؟*_**
طلال\ومن تعيسة الحظ اللي ما ضربتها؟؟؟
دلع\أنا **_**
خالد\متى بنروح؟
دلع\وأنت همك بطنك؟؟وبس!!
أبو طلال\الحمد لله
أم طلال\بالعافية
أبو طلال\بروح أريح عن الإزعاج
أم طلال\وأنا معاك.
بعد ما صعدوا عم الهدوء وهم ياكلون بس كسره طلال
طلال\دلوعتي!!
دلع\قوم عارفه شتبي؟
طلال\لباك كلي من أخت لا فقدتك مدري شبيصير فيني أموت..
دلع\ بعيد الشر يالسخيف وش هالسيره؟
طلال\ألا تعالي متى النتايج؟
دلع\بكره
طلال\لاتخافين أنتي قدها وقدوود
دلع \ الله كريم ، بدق عليها لا تطرطع


فمكان مو بعيد،في حي الشاطئ ، بالدمام ، كانت بطلتي الثانية
كادي بغرفتها كادي طبعن بنت عمة دلع عمرها 19 سنه أولى جامعه قسم نظم ومعلومات \طويلة شعرها ناعم اسمرانيه تحب تتسوق وتحب تسافر كثير.تلبس نظارة D&G لونها فوشي خطييييره <<وهاذي علامتها الفارقة كرامتها فوق كل شي حتى لو كان هالشي على حساب قلبها وحساب الحب .

دق جوالها على نغمة دلوعتي جلست تهز شوي ثم ردت
كادي \ هلاا وغلا بأهل الرياض
دلع \ أهلن أزيك يا بت؟؟
كادي \ بخيير الحمد لله أنتي علومك؟
دلع بوناسه \ تمااااااااااااااااااام بنت بنجيكم
كادي بوناسه \ احلفي بربك
دلع \ ورب البيت
كادي \ لا دام انك حلفتي برب البيت صادقه
دلع بنبرة مسويه نفسها زعلانه \ يعني أنا اكذب أنا اوريك شوفي مين يقولك عن مفاجأتك
كادي \ لا يالغاليه شدعوه افا عليك <بدت تتمصلح >>وتغنيلها>>>>انت غير الناس عندي
دلع \ بس بس واللي يرحم والدينك من حلاة الصوت أليسا ولا رشووودي<<خقت
كادي \ قوولي دلوعتي شدعوه عليك؟
دلع وهي تكلم طلال وتلتفت عليه \ أقول يا توم كروز؟
طلال ضربها وقال لها \ الشرهه مو عليك علي أنا اللي قلت لك
كادي \ طلال جمبك<<حمرت خدودها ، زعلتيه حسبي الله عليك
طلال \ فديت اللي يخافون أني ازعل<<دلع فاتحه السبيكر
كادي \ خقت تذكرت عيونه الوساع اللي رموشها محددتها من كل مكان تذكرت طوله وهيبته وسماره الحلو وعظلاته اللي ما لاقت على احد قده وخشمه اللي زي حد السيف
دلع \ يالحبايب عن قلة الحيا لو تزوجتوا شبتسوون؟
طلال \ ومن قال أني بطلعها عند الناس بخليها بحظني ؟

كادي \ وولع وجها احترقت غاصت
دلع \ تلايط أنت وحبيبتك
طلال \ افا الغالية هاذا وأنا ما اتمصلح عندك ودايم مغليك وكذا
كادي \ سكري السبيكر
دلع \ أموت عاللي يخقون عالخط وعندي ههههههههههههههه
طلال \ بكره لا حبيتي تعرفين معنى الحيا
دلع بقلبها \ يا ليل متى بفتك من حنتهم
طلال شافها تضايقت \ مو قصدي دلوع والله العظيم أن شاء الله يرزقك ربي بولد الحلال
كادي \ أنا بسكر
دلع \ لا تتكثفين اشبعي رومانسيه بعدين تكثفي
طلال \ مالت بطلع
كادي بضيقه \ لا يكون زعل؟
دلع \ ورا ما تنقلعون عن خشتي؟
كادي \ كم بتجلسون عندنا؟؟
دلع \ مدري،على حسب مزاجي
كادي \ يا أنتي يمشون على كلامك
دلع \ كلي هوى هاذا كله على حسب النسبة يا حلوة مو لسواد عيوني
كادي \ اهااااااااااااااااا
دلع \ مصختيها يلا باي
كادي \ بوسي طلولي
دلع \ بس يا عيال الناس استحوا شوي خلوا حيا لا جيتوا تتزوجون
كادي \ كلي تبن
دلع \ ا قول الله يوفقكم أن شاء الله ويفكني من حنتكم
كادي \ الله يسمع منك
________سكرت دلع منها من كادي
شغلت المسجل على حبيب قلبها راشد الماجد
ساعات...
ساعات احس أن الزمن قاسي قااااااسي ولا يمكن يلييييييييييين
وساعااااااات ساعات احس أن الفرح محال ولا يمكن يحيين
هاذا اللي شفته بدنيتي وكل ما مضالي من سنين
هاذا اللي شفته بدنيتي وكل ما مضالي من سنين
يا من يعلمني الفرح يا من يعلمني الفرح ويفرح القلب الحزين
ويفرح القلب الحزين ويفرح القلب الحزين
ساعاااااااااااااااااااااااااااااااااااااااات
اشكي مرارة حيرتي في دنيا ما ظني بتزين
ولما بدا بعيني الأمل تجد احزاني وتبين
روح زماني وانتهى وترك لي الجرح الدفين
روح زماني وانتهى وترك لي الجرح الدفين
ساعااااااااااااااااااااااااااااااااااات
دندنت معاه شوي وخلصت وراحت جلست عالمسن تكلم صاحباتها
************************************************
كادي ، كادي وصمخ اللي يصمخ هالوجه المعفن
كادي \ نعم نعم ياخي شفيك مولع شتبي؟؟
بندر \ جبت نسبة دلع!!
كادي \ احلف بربك كذاب
بندر بنظرة نص عين \ شقلتي؟؟
كادي \ لا افا عليك يالمملووح(امحق ملح لعيونك يا دلع يهوون كل شي) لا انت الملح كله يا قلبي قوول بذمتك كم؟
بندر \ وش هديتي؟؟
كادي بنفاذ صبر وخوف من النسبة \ بندروه الزفت أن ما قلت اعلم امي؟؟
بندر \ اقوول هاذا بدل ما تسأليني عن نسبتي تقولين كم نسبة دلع الماصخه
كادي \ شوف هي صح اسمها دلع بس الدلع بجهه وهي بجهه ولو سمحت خلصني كان ما عندك سالفه اسكت وانقلع
بندر \ بدينا الخيانات اشوووف؟؟
كادي \ يالييييييييييييييييييييل مطولك خلصني
بندر \ انا 94%
كادي وهي تتمصخر \ اخص عالشاطر مالت عليك بس، بس يلا مبرووك يا بندروه الله يكتب لك اللي فيه الخير
بندر \ يسلمووو اما دلوعة العايلة يهب عليها 98.90%
كادي جلست تصارخ \ الللللللللللللله يا حوبي لها والله بتنبسط ، بس تعال من وين جبتها
بندر وهو يرز نفسه \ تعرفين اخوك شخصيه يطلع اللي يبي
كادي بنص عين \ انقلع عن خشتي وتلايطون اذا تسمح
__________نسيت اعرفكم على عائلة مريم ام بندر اللي تصير عمة دلع وهي عمتها شقيقة ابوها لأنو الجد محمد تزوج ثنتين
الأب:ابراهيم بن عادل اعمال حره يشتغل بالتجارة وعنده استراحات ومصانع. وهو من الأساس مهندس
الأم:مريم بنت محمد :ربة منزل عمرها تقريبا 45 نظاميه بزياده زي ايام أول من ناحية التمسك بالعادات والتقاليد بس بزيادة
كادي تكلمنا عنها بس في صفات بتكتشفونها فيها بالقصه.
بندر:عمره 18 سنة علمي بس ما يطيق الدراسه ولولا ابوه عنده وشاد عليه كان علووووووووووم.
لمى:16 سنه اولى ثانوي بنت رجه تحب الصداقات كثيييييييييير واهم شي عندها صديقتها فروحه وبنت خالها البندري
مشعل،عبد الله،عبد الرحمن:اخوانهم اللي اصغر منهم مو مهم دورهم زي دور مشعل اللي بيطلع بعدين بس مشعلوه ولد اسمراني دبدووب كشوخي يحب الأتفاق وهو وخالد مناقر 24 ساعة على هالشي .





نزلت كادي تعلم أمها بالنسبة بس قالت لها
ام بندر \ لا تقولين لهم فشلة خاف يضيق صدرها حرام
كادي \ ليش نسبتها حلوة
ام بندر قلت لك لا يعني لا فشلة بيقولون وش ذي اللقافة
كادي على بالها ما نمون الوالده خخخخ \ طيب

وصعدت فوق شبكت عالمسن
************************************************** **
لحد هنا بوقف واذا شفت تفاعل كملت
ابي ردوووووووود
View افتقدتك..يالغ ـلآ ومالي غ ـيركـ's Photo Album اضافة رد مع اقتباس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
aliz
نشيطة
aliz

عدد المساهمات : 30
السٌّمعَة : 0
تاريخ التسجيل : 02/12/2008

مُساهمةموضوع: رد: إفتراضي رواية::تدري في هالللحظه وش ابغى؟ابيك تضمني لصدركـ واضمك حيل!   الإثنين ديسمبر 08, 2008 2:59 am

نشفتين pale لساني من القراءة study

مشكورة على موضوعك ومايصير إنخليك مع هذا الموضوع الطويل بدون ردود Razz
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
saja
المديره العامه
المديره العامه
saja

عدد المساهمات : 32
السٌّمعَة : 0
تاريخ التسجيل : 20/11/2008

مُساهمةموضوع: رد: إفتراضي رواية::تدري في هالللحظه وش ابغى؟ابيك تضمني لصدركـ واضمك حيل!   الخميس مارس 25, 2010 11:44 am

القصة روعة
وشكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
إفتراضي رواية::تدري في هالللحظه وش ابغى؟ابيك تضمني لصدركـ واضمك حيل!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بنوتات :: الفئة الأولى :: عالم القصص والحكايا-
انتقل الى: